都拜FB & 微博所賜，我地習慣了圖像和一兩句文字來表達自己的感覺，偏偏這是最令人容易誤會自己的方法! 因為言詞淺短，慢慢地大家都變得“懶”去表達自己的思想，因為詞窮了，所以說“明白的你就明啦，唔明的講多都無用”。
你可以因為以下洋洋千字而無興趣睇，但這是一個眼見的事實。我地可以選擇 “修身齊家治國平天下”；也可以選擇“無國何來有家，無家何來有我”。不要等到有個無敵理由才出來。不要等有完美的人才支持。不要等到百分百合心水的方式才加入。有好多野從來都唔好，但是，成熟的人，會懂得在最壞之中找最好。跟做人一樣，只是一個「剔除」的過程。
好多事都唔可以用“一件事歸一件事”的心態去睇! 我地應該明白好多事情都係環環相扣、連消帶打的。現今香港社會經常討論的 “自由行”、 “國民教育”、“房屋問題”、“經濟就業”、“土地規劃”等，說穿了，還不是“一國兩制”的問題~ 再借以全球的經濟歷史因素問題，就產生了雪球效應了。
- 一簽多行自由行
去年有4200萬旅客，今次再有一下子增加500至600萬旅客, 共4800萬。 香港人口，保守地當有700萬，即香港一日共有5500萬人次!
以量化睇 (只計平面土地面積, 不計立體樓房土地面積) 1104.39/55000000 = 約20m² =每人有215.2平方呎
183/55000000 =約3.3 m² =每人有35平方呎
係!我數學唔叻, 唔知咁計岩唔岩, 但, 香港的主要地區真係迫上加迫囉! OK! 要準確D講,大家可以上樓上商場, 店舖, 食市, 酒店或自己屋企作分散人流的。但, 點解我地要反主為客的?我明白香港只係一個小地方，但請不要對我說「不融合就會死」。世界一直都有競爭，香港唔係同上海競爭，就係同新加坡等競爭ga la~ 咩大家覺得唔放寬自由行，服務業就會死，就沒有了中國的資金咩??對於有內地人豪氣說 “如果唔咁咁咁樣做, 損失的係香港人! ” 我想對佢說“你嚇我啊?” 做人的野, 謙虛D! 凡事太盡緣份誓必早盡, 睇下文丑丑啦!
- 新界東北與新界西北規劃及發展
而原本在新界東北與新界西北安居的港人呢，政府一句因時代變遷、人口增加、經濟需要、改善生活等冠冕堂皇的理由，而要居民移居! 真係為了我們好咩? 有站在我們的立場看過嗎? 如果改變土地用途後發展的住宅，大部份都係私樓，咁有幫助過港人嗎? 如果改變土地用途後發展的商業用地，大部份都係領匯/大財團擁有，咁會幫助到本土的中小企或創意小商鋪嗎? 如果因發展土地而有基建，因商業用地增加就叫做提升就業，咁港人係未因為有了工作而可以對抗通漲?大家有無聽過窮忙族?
- 香港經濟體系
8,90’s起香港已是一個依賴國際貿易的自由市場經濟系統，由工業轉到服務業，加上由英國的管治下，平等、自由、民主等的思想入侵，港人不再是“唯命是從”。工業國應付機器，服務業面對顧客。工業裡，領導者只有一個，千軍萬馬聽命，不求突破，只求精準。服務業裡，每個員工都是領導者。為什麼？因為，顧客當場發難，大老闆遠水救不了近火，員工就是話事人，只可當機立斷。這就是為什麼當香港管理層上到大陸訓練人才感到頭痛的地方!因為內地人習慣工業式的指導，而非服務業的自主。可唔可以通過學習得返來? 當然可以! 香港人都係通過學習而得返來的知識啊! 但需要的係時間，而唔係即食的急進。
再大D去睇全球的經濟，人人都重視的“錢”到底係咩來?? 有價值物質? 紙? 全球的經濟到底點產生的? 點解有人要推翻資本主義?(共產唔見得好好) 點解要資源再分配? 如果大家接觸多D不同的事，就知道地球上有D人擁有得太多了; 有D人卻少得可怕。大家到底仲信唔信多勞多得? 如果覺得現時的經濟分配好有問題，點解仲要抱住唔放? 呢個課題太大了，市面上評論經濟的書多到數唔晒，點解有人可以咁表面用一兩句就代表了/整合了成個結論呢??
也許有人會大大聲問: 回歸祖國有咩唔好啊? 無~這是你們的選擇, 我如何過問! 但請: 係認為中國好的, 就請全盆接受, 包括錢&制度; 係認為一國兩制好的, 就請接受無大量熱錢&保留香港的制度，那有得“又要馬兒好, 又要馬兒不吃草”?
我們都在乎結果, 無錯! 有目標才有動力!
但, 有誰可以講個結果比我地知? 有什麼憑據可以估計到個結果?
有人話“明知不可為而為之”係衝動、係傻仔，但呢D“傻仔”你可以唔欣賞咩?佢地擁有你沒有的勇氣! 佢地有目標，有共同想爭取的結果，雖然唔知可唔可以達到個結果，但都要去行個過程! 就如戰爭過渡至和平，我們必須承受很漫長很漫長的一段不文明、討人厭的歲月。為免“一國兩制過渡至一國一制”，只好保持戰鬥的心態，繼續於一個未知結果的過程中爭取最好!
