有很多時候，保持適當的距離會更愛大家~~
基本上, 每次我去到其他地方旅遊的時候, 我就會發現香港好幸福
但當我處身於香港的時候, 我就會發現它的不足….
2012, 去了希臘~北京
當經濟衰退時去希臘
當凍到傻個時去北京
希臘
每個地方, 每個人, 都有不同的生活方式,
去接受不同, 還是不認同而將之同化?
對! 希臘人的生活真係好懶,
市中心好似死城咁, 星期日可以成條街的店舖都關閉(甚至是連鎖店)。
但我又好明白點解佢地會唔開舖, 因為日照時間真係太長, 而太陽又真係太猛烈，就算開了店舖, 街上都未必人行, 咁何不去睡午覺?
別人說希臘經濟低迷未就係因為佢地的生活本性囉
但我就好欣賞佢地呢種個性喎! 唔通個個都比全球化所同化好咩
個個都為了經濟而不斷努力工作? 咩唔係應該為了快樂而不斷工作??
OK,你會話“有錢可以買到令自己快樂的野” , 基本的金錢是需要的, 再多, 都只係比你浪費, 買一D滿足你一時的慾望而又其實唔需要的野, 過後, 心靈其實更空虛。北京
"不管你愛與不愛，它都是歷史的塵埃"
處身北京, 又真係好明白點解佢地睇唔起廣東人喎!
說真的, 我真係覺得北京好過香港ga (先不要說那些言語自由la~~)
地方大, 普遍我都覺得佢地有文化,
單單一句稱呼, 都覺得佢地好好, 個樣又無廣東省個種賊樣
難怪D大品牌, 明星, 藝術家個D, 都以北京為基地la
北京人好有趣, 佢地真係會以自身為北京人而驕傲! 好似佢地係中國人的皇族咁!
我講的普通話唔正宗, 佢地笑我囉!
但唔係因為我講唔正宗的普通話, 而係因為我講唔到正宗的"北京腔" !!!!!!!!
因為佢地真係認為"北京腔"才是"普通話"的正宗 !!!!!!!
每到中國, 我都唔明白,
明明中國人都幾可愛吖, 點解來香港個D又咁 "可惡" 呢??
離開香港, 讓人知道世界很大
而香港小小的地方, 堆滿了人, 每個人的空間也不夠, 何來會寛容快樂?
行一條街, 你推我我推你, 個個忙住做些什麼什麼
好聽是"活力熱鬧", 唔好聽是.......
2012, 末日過去, 新的一年是"新紀元"
希望每個人先檢視自身, 放下負能量
不斷投訴、埋怨係無用的!!
不如做D自身做到的善行, 令自己,身邊的人&世界更好吧。
