關於遊行
警方說遊行數字9萬多
報章說51萬
如果你有留意每一次的遊行數字,係都會知道這是一個正常的答案, 三方面的計算方法都不一樣, 結果當然不一樣, 這只是一個數字吧了! 正所謂有圖有真相, 看到街上的人你都知道人數不少, 又何必為數字爭執?
警察話帶頭架車慢,所以所有人 都慢
有線訪問左個司機, 佢話大會講左叫佢開慢D既!
請問警察有冇講大話呢? 拖延對大會遊行有咩好處? 增加聲勢囉!
關於清場
學聯說警察濫用暴力
我在有線新聞台看到警員拍拍學生的手,沒行動
警員把學生帶走,有學人出手出腳, 警員又可以如何?
早前不只一次有青年身懷武器在東北發展活動附近出現, 警察把人拉了, 又有多少人說警察做得好? 做人公平一點! 如果沒有警察發現,後果會是怎樣? 難道你想要解放軍出動?
警察就係先知先覺會有D人搞事先會咁處理, D人又要話佢地做得唔好! 喂! 警察都係得一條命, 都係香港人, 都有家庭架!
中環也有人要上班的! 你要8點走,你說得理直氣壯,但你有沒有考慮上班人士的感受? 別打出'為香港'的這字眼做出自私的行為!
我不是想說誰對誰錯, 只是覺得在最近的日子, 似乎人們對是非黑白已經分不清
從何時開始只是有'合理'原因就可以拿東西丟人?
從何時開始只要是打著'全香港市民' 的字眼就事事都是正確的?
從何時開始只要是關於政府的, 就是假的? 就是要對抗的?
從何時開始不論報紙、雜誌還是電台電視、事民、網民, 只要聽到一點點的資料便以為自己編劇上身,吹得就吹?
這次的遊行是和平的, 這是我感安慰的事, 不表達意見, 我們便不會再有機會了! 本人十分認同
但請大家表達意見的同事,不要加鹽加醋!
也請大家表達個人情緒的同事, 想想別人的感受!
* BTW, 我真係好討厭果幾位成日開會時用垃圾雜物掉人既所謂議員!
即使佢地要表達既事有幾重要,都唔應該用依個方式! 要知道依個電視咁流行既時代,佢會教壞下一代!
我成日同日講, 如果長毛佢地有日做錯野, 或者我對佢地有不滿,就可以搵野掉佢?
到時佢係唔係唔會報警先?
只想大家理智D, 唔會俾人利用, 只要大家同心合力, 香港就會好! 不用暴力都可以發聲都可以和平處理!
係反彈人地既意見之前, 請大家了解一下別人既用心先啦!
大家共勉之啦!
