眼力良好卻腦退化......

面對社會上發生的事情, 我們是應該用腦袋去分析及了解; 但近來的社會風氣是, “教育”我們用眼睛去批評及埋怨

中港兩地的人民啊~
我們為了什麼去內訌?

大家如果真的執著於“對錯”的問題
那麼,
為什麼大家的行為都選擇做“錯”的事, 而口邊說著“對”的事?

行年宵記

每年農曆新年, 我都會去年宵
去感受氣氛、去感受傳統、去感受中國人去文化的熱情

不過以上既感覺, 一年比一年少....年宵,除左年花部我依然想去行下, 睇下
其他乾貨已經全無興趣, 大部份都係舊年、前年、大前年, 甚至大大前年已經睇過既野
今天龍年, 產品比想年想像中少, 反而用黎發洩既商品就好多!

食既就更加唔洗講, 今年我已經唔再係場內食, 食完先入場
原因? 場外場內都係燒賣、魚蛋、碗仔翅、熱狗, 但價就差一倍, 有時場內既仲要幾難食下
公展會又係食D, 美食節又係依D 而家年宵都係食D....大佬放過我啦, 食來食去都係果D....
50蚊連飲品都唔包既,我不如食個飯再入場啦!

再加上場內強國產品太多, 一D新意都冇, 真係唔想再行喇
出年....我諗我會考慮唔係香港過年

香港人! 我們唔止土地俾人入侵! 就連我地既思想、行為都俾入侵左....
所有野都係一色一樣, 唔用個腦諗下就做.......唉.....咁落去.....有咩事唔好怪人, 就只好怪自己唔爭氣

夜

平日擠壓的街道, 彷彿只有夜晚才能平靜下來
夜裏才找到屬於自己的地方

每個人都要為自己說過的話負責

當資訊越發達, 自由發言的途徑越多, 幹麼人們卻越來越不負責任??

政府如是, 向傳媒責備政策不完善, 轉頭叫負責的官員不用太認真
網民如是, D&G小姐於facebook的言論, 只要一按remove就此對待群眾
傳媒如是, 聲稱此乃言論自由
市民如是, "我無講過wow, 你唔好屈我啊, 有無證據先"
年青人如是, 用另一個身份, 表示言論立場與"我"無關

價值上係未錯晒呢???

同事話佢個team想搞定期活動, 向年青人教育"價值觀"
我聽完佢的行動方向, 我就知活動只會輪為"傳授價值觀"
講到咁大,
骨幹在那?? 主線在那??
教育價值觀是需要實體去支持的
而教育者也需要清晰的頭腦去看待身邊的每一件事
價值觀並不單單是社會文化上的問題
它可以深入至哲學層面, 藝術層面
是形而上, 形而下的表達
當遠古的哲學家, 當代的藝術家, 現今的教育界
都未能整合"價值觀"的問題時
社福界又靠什麼去整合呢??

單單以社會上的事件去看
再將個波比年青人表達意見, 分享
最後話, "事件無對與錯, 在乎觀點與角度"
係未廢到無朋友啊!!!!
咁同facebook Po文分享有咩分別??

what do u think of our living??

http://http://photoblog.hk/wordpress/20270/英國攝影師鏡頭下的香港籠屋

獨特性

睇完 Wini blog下的呢篇分享, 自己都不禁回憶當初
http://www.winifredlai.com/?p=3529
的確, 受啟發的, 不只是Samuel, 我也是其中一個

當年“懶特別”
同學去旺角, 我去銅鑼灣
人地聽本地歌, 我聽英文歌
“靚人”行IT, 我行D-MOP
“潮人”睇YES, 我睇號外
慢慢地,
覺得出銅鑼灣的交通費好貴, 車程又長, 所以去尖沙咀
聽英文歌的目的轉為提升英文能力
D-MOP減價先去潮聖, 平日平買IT衫著
號外的內容太深, 結果轉睇《Amoeba》

Samuel話佢在《Amoeba》杂志里，学会了什么是“靓”，开始接触“styling”，知道什么是“态度”，开始在意“品味”。
而我, 就開始了解時尚界的用詞, 見到好多靚人, 想成為佢地的一份子
我從小就好貪靚, 因為全家都貪靚
夢想有日成為時裝設計師, 所以不斷畫畫畫
直到中三, 開始覺得自己無咩呢方面的天份
覺得 “美指” “形象設計”會比較適合我
所以修美術 & 不斷睇時尚的書籍
結果, 大學選科, 我選擇了做社工
中學階段做得多咗社會服務
覺得美化他人外表, 不如美化他人心靈
但貪靚的性格就一D都無變

知道做社工要樸素d
所以選擇做 “青年”的工作, 諗住呢方面的工作可以著得潮d
當然, 我也好規舉,
已經唔著d特別的衣著
唔染d特別的髮色
唔戴d特別的配件
但, 別人仍然覺得我好特別...
“特別”在,
不穿"老土"的正經衣著, 化了個淡妝, 穿了對高跟鞋...

不要怕"特別", 是我越大越覺得自己要抓跟的宗旨

每個人天生就是特別,
配合他人是好的, 但不是為了融入他人而少了自我
有d人一企出來就好eye-catching, 有d人好似invisible
但每種都有佢地的功能啊~
不論是外表或心靈
都可以參考其他, 再靠自己重組
真正的美麗就是要經過歲月的洗禮
就如蝴蝶破蛹而出一樣
如果有人幫助它破蛹, 它將會很快死亡
只有靠自己的力量破蛹, 才能美麗的生存

短袖

過去的一星期很冷嗎???
唔, 對, 是有點冷
但我唔係覺得凍到要著5,6,7,8件衫囉
話說, 過去一星期本人的衣著就是:

一件短袖加一件厚褸
外出就著件厚褸
係室內就著短袖
我覺得咁的衣著又夠暖, 又輕身

可惜, 原來咁的著法叫: 標新立異….
個人的想法原來是要配合環境的

當office的男男女女個個都著長袖衫但都話好凍個時
我焗到塊面紅晒, 著住短袖衫
佢地個個見到我, 都係 “嘩嘩”聲

終於, 我星期五著了件長袖衫
主任見到我, 好驚訝咁講咗一句
“嘩, 你終於著返件有袖的衫啦, 你之前著成咁, 我都唔夠膽同你講野啊~”
佢咁同我講…. 我只有笑笑口回應佢…..
我心諗, 我著短袖, 唔係無袖小背心喎…
我著成咁? 我著成點呢? 普通T-Shirt 牛仔褲囉

又要提下和諧論的金句
“和諧唔係一千人講同一句說話, 而係一千人講一千句說話而互相尊重”
套用係衣著上, 可否都一樣呢?

態度

態度是什麼? 態度是對人的, 也是對事的?

有人說你的高度在乎於你的態度

我卻覺得, 我的態度基於你的態度

這一句話也是別人教我的, 我十分認同

你的態度好, 我的態度自然好

你的態度不好, 為什麼我要對你這麼好?
沒有必要也沒有道理


可是啊, 在決定別人的態度之前, 也要先檢討一下自己的情緒和位置

別反客為主,哈哈

共勉之!

如果

想說的

http://www.youtube.com/watch?v=jx7xV-6Lf_Y