短袖

過去的一星期很冷嗎???
唔, 對, 是有點冷
但我唔係覺得凍到要著5,6,7,8件衫囉
話說, 過去一星期本人的衣著就是:

一件短袖加一件厚褸
外出就著件厚褸
係室內就著短袖
我覺得咁的衣著又夠暖, 又輕身

可惜, 原來咁的著法叫: 標新立異….
個人的想法原來是要配合環境的

當office的男男女女個個都著長袖衫但都話好凍個時
我焗到塊面紅晒, 著住短袖衫
佢地個個見到我, 都係 “嘩嘩”聲

終於, 我星期五著了件長袖衫
主任見到我, 好驚訝咁講咗一句
“嘩, 你終於著返件有袖的衫啦, 你之前著成咁, 我都唔夠膽同你講野啊~”
佢咁同我講…. 我只有笑笑口回應佢…..
我心諗, 我著短袖, 唔係無袖小背心喎…
我著成咁? 我著成點呢? 普通T-Shirt 牛仔褲囉

又要提下和諧論的金句
“和諧唔係一千人講同一句說話, 而係一千人講一千句說話而互相尊重”
套用係衣著上, 可否都一樣呢?