由2011年的6篇, 到2012年的21篇! 好叻叻呀!!!
明明大學時期好勤力, 每日一篇, 甚至每日幾篇的,
點解人大咗就咁懶寫野呢?? 明明每日都好多野講, 好多野諗ga!
有無話過比大家知點解呢度叫“自私公民”?
想當初, 有兩個小女孩深感世界的人好X自私, 唔帶腦出街, 做野又無heart
但兩個小女孩平日的生活(工作)又要笑面迎人, 又要接受, 又要包容…. 無地方發洩, 所以得閒就將日常“奇異”之事寫係個blog度, 笑下、鬧下、發洩下。
當然, 無人係唔自私的, 我都有自私的時候,
但點樣自私得來又將影響他人的程度減少, 這才是修為吖~~
所以, 以“公民”的意思為標準, 要求自己做D有利世界的事
而唔係好似隻野獸咁隨地發洩。
我地唔知有幾多人/有咩人會睇我地個blog,
但就算無人發現呢個blog, 也不會影響我地的存在; 我地好關心身邊的事, 但並不一定需要遊行; 我地寫的野其實好灰色地帶, 因為我地好明白所謂的“黑白”, 並不一定就是“對錯”。
世界好似越來越亂, 人好似越來越自私
腦越來越殘, 心越來越不寬,
當然, 也有物極必反,
越來越多人選擇另一種生活, 越來越多人了解世界的對錯是沒有絕對
今日係百年一遇的“愛你一生一世”日~~
但又其實, 不必為呢D日子而做D “特別”的野,
因為, 我地每一日都可以“愛你一生一世”
沒有留言:
張貼留言