逼爆??

好奇心作用下, 居然去了 "土地供應策略" 的公開論壇!!


土地政策講咗好耐, 不外乎是: 填海, 移山, 建岩洞, 人工島, 重建, 更改土地用途
重點是: 我地增加土地來做咩....
偏偏政府的想法同我地所想的相差好遠....
詳細資料好難於此言盡, 就講講一D重點位吧!

在論壇上, 參加的人士包括:
議員, 學者, 建築師, 環境學者, 大學教授, 民眾, 城市規劃的官員, 土地發展的人士, 等等

討論內容包括:
土地供應; 土地儲備; 垃圾處理; 建築廢料; 人口增長; 經濟發展; 環境保育

將軍O的議員說:
點解又填將軍O? 將所有唔好的野都放係將軍O,
垃圾堆填區又話要擴展
填海區擴展的車輛出入, 臭味又影響64萬居民生活
區民忍咗好耐了!

官員:
將軍O只是其中一個考慮點
我地考慮到將軍O的土地尚有發展空間, 新市鎮的配套有助填海後的土地發展
而且我地現時的垃圾處理 以及 填海技術發展良好,
相信可以減低對市民的影響

我心諗:
無病啊~~ 技術發展良好? 幾良好都要運輸, 運垃圾的臭味, 噪音不會減少WOW
而且, 填海後的土地會用來做咩吖?
米又係起屏風樓, 你估會建生態樂園咩!!!
垃圾處理? 埋係地/ 海下面就叫處理?
技術良好?? 你知唔知要化解垃圾要用幾多年吖?
如果垃圾化解要用50年, 包住垃圾個個建築壓縮穩固袋要用6-8倍的時間啊!!!

大學教授A:
填海是其中一個解決土地供應, 人口增長, 解決貧富懸殊的問題!
增加了土地供應, 可以平衡現時的地價和樓價, 市民可以以平D的價錢買樓
而且人口調查也假設了230年人口將增加至840萬了, 所以絕對有必要增加土地供應

學者:
我想問下D政府官員, 他地話調查, 人口增加,
咁有無數據表示增加邊一類的人口? 咩年齡層佔大多數?
有地有樓唔代表合用的!!

大學教授B:
填海同環境保育 是否可以平衡到, 是需要繼續努力, 將傷害減到最低
但, 我就見唔到增加土地可以解決貧富懸殊的問題!
花咁多錢去填深海, 個塊地會拎來做咩?
大財團擁有囉~

建築師:
基本上, 填海與岩洞都是可行方法
其實大眾唔需要懷疑技術上的問題
而且, 香港的歷史一向都係以移山填海來解決土地的問題

市民:
想問下調查的人士, 有無調查過,
如果建設了岩洞, 將地面的土地釋放咗出來, 係未都叫增加咗土地供應?
如果建設岩洞已然解決土地供應問題, 點解仲要填海?

有興趣者, 可看以下網址:
http://www.landsupply.hk/relatedLink.php?lang=cht
由於是政府網, 所以請用腦來思考它所說的論點!!!

培訓

身份多多的自思公民C其中一個職業是Trainer!

Train? 公司培訓, 咩都有d啦, 詳細唔介紹喇, 只係想同大家分享一下做培訓工作既有趣事!

話說自思公民C一直斬有使用某大機構既服務, 但一直都對依間公司既處事方式同態度好有保留

一切都係依本指辦事, 一切都係依身份辦事, 一切都係由上級辦事....
身為一家有咁上下份量既公司, 佢地既服務態度就係......另我覺得好討厭, 不論係前線定係後方支援, 佢總係俾我一種 ' 我有我講, 佢有佢做! '既辦事方式

都唔知係有幸定不幸, 自思公民C要為依間大型機構提供培訓 !一聽到, 心裡好有heart地一句, 有機會可以協助改善一下依間公司既文化!

But I am so SO SO sorry!

依間公司既高層真係不得了! 同佢接洽既同事簡直俾佢笑死!
話說依位高習對真正培訓一D認識都冇, 而聽佢講(之後都有問下D同事)一向既培訓方式就係.....
填鴨式, 即係我叫你咁就咁, 總之你唔好理係唔係正確, 我講既你說做!
結果! 唔洗講啦, 只好依佢既要求好唔專業咁完成左個培訓!

果一刻我好明白點解依間公司既人會係咁做野!

得左! 培訓有好多層面, 要睇好多方面, 好似員工既心理準備、要求、成長度等等
而最重要係公司文化!
好老實公司文化好多時都係從上而下, 上面係點,下面就會係點
就好似依間公司咁樣....坦白講香港好多公司都唔係好明白培訓既定義同意義, 如果公司只希望員工聽指示, 其實根本唔需要培訓

但,如果身為高層既你, 真心希望公司有轉變或者有更高既發展, 請聽從培訓員既意見, 俾合適既培訓俾你既員工啦^^

自思公民C

who can control the world?

前幾日經過中環,
見到他們仍然繼續"佔領"中環
已經4個幾5個月了,
見到他們仍然繼續, 我覺得好感動!!!

要繼續行動, 同時面對社會的彿視,
少一D定力, 堅持, 自信與自強 也很難做到....

我明白, 我相信他們也明白
要推翻資本主義的可能性不大
只是, 行動比坐著不出聲更好吧, 對嗎?

原諒我現實, 或是較灰
我追求的, 只是比較平衡, 更公平一些的世界
我無意令資本家無錢賺
也不認為"共產"就是答案


只有癌細胞才會不斷增長,
更不惜增長至破壞主體, 與主體共存亡

而人類的慾望, 就如癌細胞一樣
不控制, 就共存亡!!