本人對於 "生涯規劃" 沒有太多的了解, 但有幸早年參與過一個 "生涯規劃" 既project, 所以令我產生興趣
整個計劃為期五年 ( 而家已經進行一半有多了), 不過做左一陣我就冇做喇, 不!歡! 而! 散!
**** 如果你打算係依度知道咩叫 "生涯規劃" 咁以下既內容你可以唔洗睇喇! 哈哈*****
**** 因為本文好明顯係筆者既發洩文****
最初一心諗住讀完Master都係繼續我自由先在既炒散生活
但有幸得在讀Master時既教育邀請我幫手
嘩~ 我當然開心到暈啦!
點解? 因為幾十歲人, 咁多年冇做過長工, 但竟然有人賞識喎, 當然開心啦!
依個係一個全港性既5年計劃, 由兩間大學合辦, 學校裡既同學或既已失學既青年人都係佢地既服務對象! 當時覺得自己可以參加依個咁有意義既計劃, 真係覺得好開心
未知請唔請我, 已經諗定身邊有咩朋友可以幫手俾機會班年青人!
好明顯, 我當時太天真了! 哈哈
開開心心去見工, 4個人見我1個, 又要兩文又要三語
明既, 咁大個計劃, 係要小心搵人既
整個過程都幾順利, 係到最後時, 教授竟然要求我唔可以再做任何炒散!!!!!
當時心裡面突一突! 喂, 我份份都做左差唔多十年, 剛剛你地仲話我既炒散工作對於整個計劃好有用, 又話我既經驗同係商界既關係對整個計劃有幫助, 你轉頭就叫我Resign????
心諗, 你冇野呀!
你個計劃得5年, 我點都冇可能放棄養左我咁多年既老闆架?
5年後依個計劃完左, 我食風呀?
點搞呀! 好在!
另外三位面試官竟然時出聲話唔需要, 話冇衝突之餘對整個計劃有好既幫忙! 而且我當時既炒散就係整個計劃活生生既例子!
好在好在! 謝謝三位大大! 你地真係心明如鏡呀!
不過, 而家諗返轉頭, 當時我就知道個計劃並唔係想像中咁樣架喇!
點解咁講呢?
因為個計劃成日都話要改變整個香港既 "工作--進修"既模式, 希望下一代可以將自己既興趣成為工作, 能夠用自己既興趣養活自己!
而教授係整個過程中表現得好"睇得起" 我既興趣同埋我而家既工作~
am....話晒幾份炒散都係大公司既, 仲要有學歷、專業資格同有經驗先可以做到架喎.....
點解咁睇唔起我呢?
講返重點,
咁....好多年青人既興趣都係好簡單, 而且好多都唔係主流行業, 好多仲係成人眼中既 "垃圾"行業, 或者搵唔到飯食既
咁個計劃又話又幫年青人, 但又咁既態度, 即係想點呀?
呀教授, 你仲係整個計劃既發起人喎!
想點呢?
Anyway,
咁點解我會講依個題目呢?
因為呢, 到左今日, 仍然覺得整個計劃理念好好, 不過於行政或者執行上出現好多人為既問題
覺得d錢咁就冇左, 好可惜........
其實 "生涯規劃" 已經係香港既中學推行左好多年,
基本上, 每間學校, 中四以上既學生, 每年都會聽幾次關於 "生涯規劃" 既講座
我都有幸請過幾次依類既講座
而老老實實, 做同類型計劃既NGO 大把!
形式上大致都係咁, 冇咩突破, 亦唔見得年青人真心知道咩叫 "生涯規劃"
在個人角度, 要增加年青人既出路
唔係同佢做份 "生涯規劃" 問卷, 帶佢去睇下唔同行業, 或者睇下大學有咩科目或者俾D工作實習佢地, 就叫 "生涯規劃"
講真, 毅進計劃、青目展翅計劃, 甚至ERB 都做緊類似既野啦!
點解仲要用5億俾兩間大學再做一次?
真係想做 "生涯規劃" 係要思想同觀念改變!
職業無分貴賤, 學歷也不代表一切!
"當大總統是一件事，拉黃包車也是一件事。"
講真, 香港既大學或者專上學院可以修讀既課程範圍好窄
即使有D非主流課程, 但都唔係教得好好深入, 或者冇咩繼續進修既機會
不過又咁, 可能係某D行業香港唔流行啦, 又或者冇咁既需求
所以呢, 社會政策、社會觀念、教學方式 而至於家長都需要改變!
----------------------------------------------------------------------------------------------------------
雖然我參與既日子真係唔長, 但一個計劃既開頭搞我好唔好,
已經可以決定整個計劃既結果
再講一次
計劃理念係非常好的! 俾年青人多一個出路, 亦俾為會知道世界在轉變
可惜既係, 執行整個計劃既人根本就冇打算去變
舊酒新瓶, 做來做去都係門面野
好! 你有意見提出? 唔好意思 佢會覺得你係搞事者,而唔係幫手!
本來一心係為左青年人服務, 最終原來一切都係為左個人名聲
最可怕係人事同是非, 大部份同事返工都唔知做咩, 本人職位唔低
但日日返工都唔知可以做咩
日日都係到收工時先同你講 ,想你做咩做咩, 但全部聽日要交!
對上果個第一 日返工就同你講隔離TEAM好多是非, 最好唔好同佢地講咁多野!
點呀! 成個Project 係一定要同佢地合作架喎, 如果唔合作, 5年後點會有個research result呀?
上司小姐, 你唔識research問下人唔洗死呀? 點解明明唔識又扮勁呢?
oh~ 我衰左了, 俾人知道我寫左唔得, 咁係咁叫我寫project!
同我當初入職既要求完全唔同喎!
教授你教左我兩年, 知我寫文章有幾 "好" 架啦!
你而家先話我唔識字,唔合工作要求?
喂, 當初係你想我幫手做networking 架喎! 唔係寫project喎!
當初面試係你地話要一個presentable既人, 唔係writer喎!
成條team咁多英文好既人, 你分工時冇諗清楚架咩?
ok 啦!
欲加之罪 何患無辭! 明晒!
短短既日子, 我既自尊去到谷底!
覺得自己真係好冇用! 同垃圾冇分別!
做好左, 冇出問題, 冇人會讚你, 但做錯小小野, 就話你不知所謂!
日日返工上司無啦啦黑你面!
咩都唔同你講, 仲要話你做左咁多年打應該知我既要求!
冇病左, 合作左一個月都冇! 點知你大小姐想點呀?
只係知道係返工成日遲到!
NGO既同事問既問題你只會拖拖拖,
次次都係我俾人圍, 問點解你唔交野!
喂, 我根本唔知你地傾過咩囉! 又關我事既!
夜嘛嘛發個千字文電郵話你幾無能 !
有D同事仲要係背後講是非, 仲要係無中生有果隻!
星期一返工, 見到台面有封WARNING LETTER!
係! WARNING LETTER! 放你台面!
內容係咩? 俾其中幾位正常同事睇完, 大家一致結果
"低能"
外加
"如果你要收, 咁公司內大部人都要收, 第一個收既係你上司!"
笑左!
果時既心情! 真心覺得佢地好小學雞!
都唔係做大事既人! 只係因為你識人先可以做依做到依個位囉!
算! 我走!
好在我身邊有同合作多年既老闆、同事、朋友
佢地都好支持我! 仲話唔係我冇用
------------------------------------------------------------------------------------------------------------
到左今日,個計畫都已經三年有多
社會上對依個計畫既認知可以話少之又少!
聽都未聽過既大有人在!
而一開始加入依個計劃既人, 大部份已經走晒, 而佢地大部份都係真心想幫青少年既人!
好多位都係好有HEART同好有經驗既前輩!
原因係咩? 自己估啦!
終於講左出黎, 希望唔會有人話我XX佢地啦!
唉.....真心失望
沒有留言:
張貼留言