在巴士剪指甲

如題
如果你有坐巴士既習慣
唔知你有冇留意最近幾年愈來愈多人係巴士剪指甲或者留底垃圾呢?

當你遇到時,你會點做?

1) 接接聲
2) 拎個電話出黎拍佢片再放上網
3) 行埋去叫佢收手 (大前題係唔怕俾人打)
4)  咀咒佢! 鬼唔望司機大力dup 車等佢剪埋佢d肉!


老老實實,  我真係遇唔少!
咩年紀既人都有,  男人最多, 著得好四正既大叔就更多
本人呢, 唔知點解好怕見到果d Smart casual look, 即係著條西西地既褲, 加恤衫, 孭背囊, 戴眼鏡 ( 更可怕係戴全視線眼鏡果d )

*** 題外話 ***
而家咩事呀! 你眼有事呀! 同你講講下野, 無啦啦變左戴太陽眼鏡! 室內喎! 想點呀! 你samhui呀!

想點呀! 由細到大,  老師都係咁教既 : " 室內唔好戴太陽眼鏡同人地講野呀!  咁樣無禮貌!"

***講返正題***

一見依類男人, 我就會自然覺得佢地唔方好人! 哈哈哈哈
(sorry, 如果你係咁既dress code, 我真係冇心話你, 不過本人真係遇唔少依d人,  大部份都係.....扮好人)

又, 事實係, 好多依類既大叔好鐘意係巴士剪指甲

有d仲懶係野,  搵個膠袋接住!
但呀先生,你知唔知其實都會彈到周圍都係架?????

在我角度, 同周街屙尿係冇分別架囉!

因為你都係將自己既掛泄物排係街囉!

Anyway,
以前我會 "接接聲"

但而家我唔會喇

同大家分享一個好簡單又有效既方法
( 最好車上都有十個八個人, 有咩事都有人幫手, 又女士使用此方法效果更好)

通常呢, 依類人係巴士剪指甲, 佢旁邊都係冇人坐既

咁呢, 我會坐去佢旁邊, 唔出聲, 唔睇電話, 亦唔會望佢

十次有八次, 對方都會馬上停手

咁我會坐一陣之後就住返自己個位

都有試過我走開佢又繼續既

咁我又再坐埋去囉

通常第二次, 佢地都會收手

但亦曾經有個人唔理,  繼續剪指甲,

咁我就同佢講 (大聲小小, 又要保持禮貌既同微笑)

"先生, 你既指甲彈到我喇, 咁私人既野,不如返屋企先做啦!
如果你唔想係屋企剪彈到周圍係, 建議你對住個浴缸剪或者行入企缸剪
剪完用水沖左佢就方便晒啦! "

當時果個男人係O左咀望住我
一句聲都冇出
而旁邊有幾位就好衰咁笑左!

我試過好多次架喇, 大家如果又試下啦!

而家既人公民意識真心低左好多, 好多人唔知咩心態同唔知點解愈來愈自私
同佢地嘈係冇意思既
不如直接教育佢地仲好啦

共勉之~